FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის „შორეული აღმოსავლეთის რეგიონმცოდნეობის“ მიმართულება 2022 წლის 28-29 ოქტომბერს ატარებს საერთაშორისო სამეცნიერო კონფერენციას მიძღვნილს „შორეული აღმოსავლეთის რეგიონმცოდნეობის“ მიმართულების დაარსების 15 წლისთავისადმი, ასევე საქართველოსა და იაპონიას, საქართველოსა და ჩინეთს შორის დიპლომატიური ურთიერთობების დამყარების 30-ე წლისთავს.
კონფერენციის თემატიკა მოიცავს მოხსენებათა ფართო სპექტრს: შორეული აღმოსავლეთი და საქართველო, ისტორია, პოლიტიკა, განათლება, რელიგია, ენა და ლიტერატურა, ხელოვნება, საერთაშორისო ურთიერთობები,მასმედია,მეცნიერება და ტექნოლოგია, ეკონომიკა, კულტურა, არქიტექტურა, სოციალური და გენდერული საკითხები.
კონფერენციაში მონაწილეობა შეუძლიათ პროფესორ-მასწავლებლებს და დოქტორანტებს. მსურველებმა უნდა გამოგზავნონ განაცხადი (განაცხადის ფორმა იხ. დანართში) და თეზისები ქართულ და ინგლისურ ენებზე 2022 წლის 30 სექტემბრამდე შემდეგ მისამართზე: fec@tsu.ge.
კონფერენციის რეგლამენტი: მოხსენება - 15 წუთი, მსჯელობა - 5 წუთი.
თეზისების გაფორმების წესი: ფონტი - Sylfaen, ფონტის ზომა - 11, ინტერვალი - 1,5, მოცულობა - მაქსიმუმ 250 სიტყვა.
საკონტაქტო პირები: ნანა გელაშვილი nana.gelashvili@tsu.ge; თათია მემარნიშვილი tatia.memarnishvili@tsu.ge